Ito ang ibinahagi ng dalawang kumpanya sa isang joint statement na inilabas Martes ng umaga matapos pumirma ng kasunduan ang ABS-CBN at ALLTV executives.

Ginanap ang contract signing ceremony sa Brittany Hotel Villar City.

Dinaluhan ito nina Chairman of the Villar Group Manny Villar, Senator Mark Villar, Vista Land & Lifescapes Inc. President and CEO Paolo Villar, at All Value Holdings Corp. President and CEO Camille Villar.

Naroroon din ang Advanced Media Broadcasting System president Maribeth Tolentino at CFO nitong si Cecille Bernardo.

Sa panig ng ABS-CBN, dumalo sa contract signing sina Chairman Mark Lopez, President and CEO Carlo Katigbak, Chief Operating Officer Cory Vidanes, Group CFO Rick Tan, at Chief Partnership Officer Bobby Barreiro.

"The new partnership seeks to deliver enjoyable, enriching, and informative content to audiences via ALLTV available on Channel 2 on free TV, cable, and satellite TV nationwide," ayon sa ALLTV at ABS-CBN.

Dating umeere ang mga programa ng ABS-CBN sa Channel 2 hanggang sa ipatigil ito National Telecommunications Commission (NTC) noong Mayo 2020 matapos hindi ma-renew ang kanilang legislative franchise.

Magmula noon ay nag-evolve ang kumpanya patungo sa content production para sa GMA-7 at sister company nitong GTV, maging sa TV5 at A2Z.

Kamakailan lamang nang magsimulang umere ang ABS-CBN noontime show na "It's Showtime" sa GMA-7. Ilang Kapuso stars na rin ang nag-guest dito.