Si Olivia Hussey ang aktres na sumikat sa mundo dahil sa pagganap na Juliet sa 1968 adaptation ng “Romeo and Juliet” ay pumanaw noong Biyernes (Disyembre 27) sa edad na 73.

Nakatambal ni Olivia si Leonard Whiting sa nasabing pelikula ng batikang film director Franco Zeffirelli. Ang “Romeo and Juliet” ay pumatok sa mga sinehan sa buong mundo kung saan ito ipinalabas.

Si Hussey ay 18 anyos pa lamang noong sumikat bilang Juliet. Nakilala siya bilang “scream queen” dahil sa kanyang pagganap sa horror films na Psycho IV: The Beginning at It ni Stephen King.

Ipinagpatuloy ni Olivia ang pag-aartista matapos na sumikat sa una niyang pelikula na ginawa noong siya ay isang teenager pa laman. Naging bida rin siya sa mga klasikong pelikula “Black Christmas” at “Death on the Nile.”.

Kinumpirma ni Director Marc Huestis sa San Francisco Chronicle ang pagyao ng Golden Glove awardee dahil sa cancer. Nadiskubre ang kanyang breast cancer noong 2008 at ito ay gumalling ngunit bumalik ang sakit noong 2018.

“It is with profound sadness that we announce the passing of Olivia Hussey Eisly, who went peacefully at home surrounded by her loved ones on December 27,” ayon sa anunsyo sa social media.

Dagdag pa: “ Olivia was a remarkable person whose warmth, wisdom and pure kindness touched the lives of all who knew her… Olivia lived a life full of passion, love and dedication to the arts, spirituality and kindness towards animals.”

Kasal si Olivia sa Amerikanong musikero na si DAvid Eisley, anak ng aktor na si Anthony Eisley.

Bago ito, nakarelasyon niya ang Romeo sa pelikula na si Whiting ngunit hindi tumagal ang relasyon dahil sa kani-kanilang mga professional commitments.

Nakarelasyon din niya si Christopher Jones, isang aktor, at natapos ang romansa ng dalawa dahil sa pag-aabuso ng lalaki kay Olivia. Nagsampa ng reklamong rape at physical abuse si Olivia at ipinalaglag ang bata sa kanyang sinapupunan.

Nauwi naman sa diborsyo ang kasal ni Olivia kina Dean Paul Martin, anak ng pamosong balladeer na Dean Martin, at Japanese singer na si Akira Fuse. Si Alexander Gunther Martin at Maximillian Fuse ang naging anak niya kina Dean at Akira.

Si India Eisley ang bunso na anak ni Olivia na ipinanganak noong 1993.