Ibinahagi ni Xian ang behind-the-scenes photos nila ni Iris na kinunan habang nagfi-film sila ng bagong pelikula, kung saan sila nagko-collaborate.

Simple lang ang caption ng post ng aktor — Kuman Thong — na siya ring pamagat ng kanilang pelikula.

Sa kanyang panayam sa Esquire magazine na inilathala kamakailan, inamin ni Xian na nagde-date na sila ng film producer.

Pero nilinaw niyang nagsimula lang ang relasyon nila ni Iris matapos ang hiwalayan nila ni Kim.

Pinabulaanan din niya ang mga ispekulasyon na si Iris ang dahilan ng kanilang paghihiwalay. "There's no third party. That's it. That's plain and simple," ani Xian sa interview.

Kinumpirma nina Xian at Kim na break na sila nito lamang Disyembre, kung kailan binura rin ng aktor ang mga video nila ng "It's Showtime" host sa kanyang YouTube channel.

Higit 12 taon din ang pinagsamahan ng dalawa.