Inanunsyo ni celebrity chef and Hell's Kitchen producer Gordon Ramsay na bibisita siya sa bansa sa susunod na linggo.

Sa Facebook, ibinahagi ni Gordon ang larawan ng Ramsay Fish & Chips

“Can’t wait to serve this to everyone when I’m in the Philippines next week!” saad niya sa caption.

Wala pang detalye kung kailan at saan siya mamamalagi habang naririto sa bansa, o kung bukas pa ito sa publiko.

Noong nakaraang taon ay nagbukas ang Gordon Ramsay Bar & Grill, ang una niyang restawran sa Pilipinas.

Matatagpuan ito sa Newport World Resorts' Grand Wing at nag-aalok ng specialties niyang rare breed steaks, fresh market seafood, at Beef Wellington.

Pag-aari ni Gordon ang ilang Michelin-starred restaurants kabilang ang Restaurant Gordon Ramsay sa United Kingdom.

May mga negosyo rin siya sa Singapore, UAE, at Japan.