Inaasahan ang comeback ni Kris Aquino sa ABS-CBN at ito ay lubos na ikinatutuwa ng maraming fans ng tinagurian Queen of All Media.

Tila gumaganda na ang kalusugan ni Kris na kamakailan lamang ay bumalik sa bansa matapos ang ilang taong pagpapagamot sa Estados Unidos dahil sa malubha niyang sakit na multiple autoimmuge diseases.

Sa kanyang Instagram post, ibinalita ni Kris ang latest sa kanyang kondisyon at nagsabi rin ito ng magandang balita tungkol sa nalalapit na pagbalik-showbiz.

“Para hindi kayo magsawang magdasal. Sabi nyo, you miss watching me. I want to thank my former ABS-CBN bosses for allowing Jasmin and Darla to work with me on a show which will launch before 2024 ends,” ayon kay Kris.

Ayon sa kanya sikreto muna ang konsepto ng show ngunit marami ang umaasa na pakikinanging muli ni Kris ang telebisyon dahil sa programang ito.

Sinabi niya: “Secret muna ‘yung concept, but you will get to see my pres’nt day journey and as much as possible the reality of Kris, Bimb and my “through the years’ best friends (my extended familyP) and definitely my team of doctors who are now among my most trusted friends.”

Ayon sa kanya wala na siyang cancer ngunit patuloy pa rin nilalabanan ng kanyang katawan ang multiple autoimmune diseases.

“I now have 5, possibly 6 autoimmune conditions. But the scary part is that 3 of the diagnosed ones are life threatening in other words - pwedeng ma-damage my vital organs or my blood vessels, specifically my artery connecting my lungs to my heart - to the extent na I can die immediately from a stroke or aneurysm or cardia arrest,” patuloy ng kanyang post.

Matapos na magbalikbayan si Kris, siya ay nagpa-confine sa St. Luke’s Global. Dito na ipinagpatuloy ang gamutan para sa kanyang bumubuting kondisyon.