BATASAN HILLS, Lungsod Quezon — Panahon na umano upang i-account ng Malakanyan kung ano ang nangyari sa multibilyong pondo na inilaan para sa Maharlika Investment Fund (MIF).

Ito ang iginiit ni outgoing Bagong Henerasyon party-list representative Bernadette Herrera dahil halos tatlong taon mula nang buuin ang MIF at itatag ang Maharlika Investment Corporation (MIC) ay wala nang naririnig ukol dito.

“It is time to account for the Maharlika Investment Funds,” ayon kay Herrera dahil pera ng taumbayan aniya ang ginamit ng MIC sa mga investment na pinasok dito.

“Seventy five billion (pesos) of public funds were plowed into the fund as required by the law. Where are the projects? Where are the returns on investment? Where is the ₱75 billion?” usisa ni Herrera.

Naging kontrobersyal ang MIF dahil ipinilit pa rin ito kahit maraming kahalintulad na investment ng ibang bansa ang bumagsak at nagamit ng mga politiko sa kanilang pansariling interes tulad ng kaso ng 1Malaysia Development Berhad o 1MDB.

Lalong pinalagan ng mga Pilipino ang MIF matapos tangkain ng Marcos Jr. administration na gamitin sa MIC ang ₱89.9 billion ng Philippine Health Insurance Corporation (PhilHealth) subalit pinigilan ito ng Korte Suprema.

“Fortunately, disaster was averted when the state pension funds were excluded from the seed funding sources,” punto ni Herrera.

Kinuha ang pondo ng MIC sa Development Bank of the Philippines (DBP), Land Bank of the Philippines (LBP) at national government kaya karapatan pa rin umano ng mamamayang Pilipino upang alamin kung saan ginamit ang perang ito at magkano na ang kinita—kung hindi man nalugi.

“Oversight powers of Congress should be invoked to ascertain in detail the status of the Fund and whether the MIC and other involved agencies fully comply with the MIC charter and related laws,” idiniin ni Herrera na pa tapos na ang termino makaraang hindi pala ring manalo ang kanyang grupo sa katatapos lang na midterm elections inyong lumipas ng buwan ng Mayo.