SENADO, Lungsod Pasay — Itinutulak ni Senate President Vicente 'Tito' Sotto III ang panukalang reorganisasyon ng Department of Public Works and Highways (DPWH) sa ilalim ng Senate Bill No. 1835, o An Act Reorganizing the DPWH and Rationalizing the Powers and Functions of the Central, Regional and District Offices.
Ayon kay Sotto, na siyang pangunahing may akda ng SB 1835, layon ng panukala na palakasin ang transparency, efficiency at accountability sa public infrastructure governance upang hindi na maulit pa ang laganap na porsyentuhan at pagpaparte-parte ng 'kickback' mula sa pondong nagmula sa kaban ng bayan.
Ipinaliwanag ng Senate President na mahalaga ang public infrastructure sa nation-building dahil nakapagbibigay ito ng empleyo sa maraming Pilipino at natutugunan din nito ang mga pangangailangan tulad ng ligtas na kalsada, matitibay na mga tulay, mga flood control system sa iba't ibang kabataan sa bansaat iba pang kritikal na public works project.
“As one of the departments receiving the largest budget allocations, Filipinos rightfully expect that every peso entrusted to the DPWH translates into safe, resilient, and responsive infrastructure,” saad ni Sotto.
Alinsunod sa panukala sa SB 1835, bubusisiin ang mandato, kapangyarihan organizational structure at operational framework ng DPWH kasama na ang responsibilidad ng mga undersecretary at assistant secretary.
Isa rin sa isinusulong sa proposed measure ay ang pagkakaroon ng Infrastructure Maintenance Services Unit na magiging responsable sa inspeksyon, monitoring at evaluation ng mga proyekto at pagmimintine ng centralized at publicly accessible infrastructure database para sa transparency.