Pinayagan ng International Criminal Court Pre Trial Chamber I ang apela ni dating Pangulong Rodrigo Duterte na hindi na siya sumipot sa pagkumpirma ng mga akusasyon sa kanya na magsisimula sa Peb. 23.

Binalewala ng ICC PTC ang oposisyon ng Office of the Prosecutor laban sa petisyon ni Duterte.

“The Chamber, while acknowledging the objections of the Prosecution and the CLRV (Common Legal Representative of the Victims) considers that, in the present circumstanc es of the case, it is appropriate to proceed with the hearing on the confirmation of charges in the absence of Mr. Duterte,” ayon sa direktiba ng mga huwes ng ICC.

Ayon kay ICC spokesperson Orieane Maillet, hindi iniuugnay sa lagay ng kalusugan ng dating lider sa kanyang hindi pagsipot sa hearing.

Ipinaliwanag naman ni NIcholas Kaufman, abogado ni Duterte, na ang dating pangulo ay may karapatang i-waive ang karapatan niyang sumipot sa paglilitis. Ito ay naayon sa batas.

Kinontra ng OP ang petisyonni Duterte nang hindi pagpapakita sa confirmation hearings sa Peb. 23-24 at sa Peb. 26-27.

Sinabi ng mga taga-usig na si Duterte ay “fit, competent and physically and mentally able” upang maupo sa korte upang tunghayan ang paglilitis.

Samantala, sinabi ni Malacañang Press Officer Undersecretary Clair Castro na hindi na kailangan personal na aantabayanan ni Pangulong Ferdinand Marcos Jr. ang mga pangyayari sa ICC confirmation of charges hearing.