Bigo si dating Ako Bicol Partylist Rep. Zaldy Co na makakuha ng restraining order upang pahintuin ang Office of the Ombudsman at Independent Commission for Infrastructure na ituloy ang pagkakaso sa kanya ng mga kasong kriminal na may kinalaman sa mga anomalya sa PhP289.5 milyon flood control project sa Oriental Mindoro.

Sa halip na pagbigyan ang petisyon for temporary restraining order ni Co, inutusan ng Korte Suprema si Ombudsman Jesus Crispin Remulla at ang ICC na sagutin sa loob ng10 araw ang petisyon ng dating mambabatas.

“The SC, without necessarily giving due course to the petition, directed Ombudsman Jesus Crispin Remulla and the Independent Commission for Infrastructure to comment within 10 days from notice on the petition for certiorari filed by Elizalde S. Co, including his prayer for the issuance of a temporary restraining order,” ayon sa pahayag ng korte na ipinalabas ng Office of the Spokesperson.

Sa kanyang petisyon, kinontra ni Co ang resulta ng imbestigasyon ng Ombudsman na sangkotsiya sa mga anomalya sa flood control project sa Naujan, Oriental Mindoro.

Sinabi ng Ombudsman na may probable cause upang sampahan si Co ng graft at malversation of public funds sa Sandiganbayan.

Idiniin naman ni Co na ang resulta ng imbestigasyon ng Ombudsman ay maituturing na grave of abuse of discretion at pagyurak sa karapatan niya sa due process.

Hindi nakasipot ang kongresista sa preliminary investigation ng mga kaso sapagkat siya aynasa ibang bansa at umiiwas sa mga kasong isinampa at isasampa pa laban sa kanya.