Mahigit sa 250,000 Filipino na nagnanais magtrabaho sa pamahalaan ang hindi nakapasa sa civil service examination na ibinigay noong Agosto 11.

May 47,449 na examinees o 14.4 porsiyento lamang ang pinalad makapasa sa professional level examinatioin Ang porsiyento ay mababa sa 18.7 percent na pumasa sa examine na ibinigay noong 2023.

May 4.2 porsiyento naman na examinees ang pumasa sa subprofessional level. Nangangahulugan ito na 4,637 lamang ang pumasa sa 32,707 na kumuha ng pagsusulit.

Ang examination ay ibinigay sa mga itinakdang testing centers na ikinalat sa iba’t-ibang rehiyon ng bansa.

Ayon sa Civil Service Commission ang mga resulta ay malalaman sa Online Civil Service Examination Result Generation System hanggang Oktubre 27.

“Meanwhile, claiming of Certificate of Eligibility for passers, which is printed on CSC letterhead and issued free of charge, will be available by Nov. 20, 2024 at the concerned CSC Regional Office (RO) or Field Office (FO) where the exam was taken,’ pahayag ng CSC.