Ang tanggapan ni Pangulong Ferdinand Marcos Jr. ang inaasahang makakatanggap ng PhP4.5 bilyon confidential and intelligence fund sa taong 2026, pinakamalaki na umano sa lahat ng mga departamento sa executive branch ng pamahalaan.

Zero budget na naman para sa CIF ang tanggapan ni Vice President Sara Duterte na noon ay tumanggap na ng malaking halaga para sa nasabing programa.

Nasa PhP902.895 milyon ang kabuuang budget proposal para sa operasyon ng OVP ngunit maaring tapyasan pa ito.

Ang umanong ma-anomalyang paggastos ng pondong CIF ang dahilan ng zero budget allocation para sa Office of the President, ngunit pulitika rin ang nasa likod ng desisyong ito.

Sinabi ng Department of Budget and Management na ang PhP4.5 bilyon CIF ni Marcos ay halos kalahati na ng kabuuang budget para sa nasabing pondo na may PhP10.77 bilyon para sa 2026.

Sumusunod bilang may pinakamataas na CIF budget ang Department of National Defense na may panukalang PhP1.848 bilyon allocation.

Ayon kay Budget Secretary Amenah Pangandaman aabot din sa PhP2.9 bilyon ang kabuuang ng CIF budget na ilalaan sa mga sumusunod na tanggapan: Anti-Money Laundering Council, Games and Amusement Board, National Intelligence Coordinating Agency, National Security Council, Office of the Presidential Adviser on Peace and Reconciliation and Unity at Philippine Drug Enforcement Aagency.

Binigyang-katwiran ni Palace Press Officer Claire Castro ang malaking alokasyon para sa tanggapan ni Marcos.

“The president is the commander-in-chief and the chief architect of national security and foreign policy. The president needs these confidential and intelligence funds to do its mandate,” paliwanag ni Castro.

Dagdag niya: “We must remember: confidential funds are not bad if they are spent properly. Confidential funds only become bad when they are used by corrupt officials.”

Ang paggastos ng CIF ay isinasama rin ng Commission on Audit sa pagtutuos ng mga inilalaan na pondo ng gobyerno sa mga ahensyang nakakuha nito.