NEWS
Pagbili ng PLDT sa Sky Cable napurnada
2/22/24, 7:20 AM
Ni MJ Blancaflor
Hindi na matutuloy ang planong pagbili ng PLDT sa Sky Cable sa halagang P6.75 bilyon sa susunod na buwan.
Inanunsyo ng ABS-CBN, parent company ng Sky Cable, na nagkasundo raw ang dalawang panig na wag nang ituloy ang una nitong napagkasunduan.
"PLDT Inc. and ABS-CBN Corp. have mutually decided not to proceed with the sale of Sky Cable to PLDT under the Sale and Purchase Agreement signed by and among the parties in March 2023," sabi ng dalawang kompanya noong Huwebes, Pebrero 22.
Hindi na idinetalye pa ng PLDT at Sky Cable ang dahilan ng naunsyami nilang kasunduan.
Samantala, inanunsyo ng Sky Cable na magpapatuloy ang cable TV service nito at hinikayat ang subscribers na panatilihin ang kanilang subscriptions.
"We thank all our Sky subscribers for their continued patronage and support," sabi ng ABS-CBN sa isang pahayag.
"We remain committed to providing the same level of customer experience and service for both our cable and internet services."
Hindi naman apektado ang internet broadband service na SKYFiber sa mga pangyayari.