Kinondena ng dating mamamahayag na si Mylah Roque ang pinuno ng Quadcomm panel na si Surigao del Norte Rep. Robert Ace Barbers dahil umano sa mga maling paratang sa kanya at sa kanyang asawa na si dating presidential spokersperson Harry Roque.

Sa kanyang Facebook post nitong Sabado ng hapon, tinawag ni Mrs. Roque na “abusive individual” si Barbers dahil sa pamimilit na siya ay kasosyo sa Lucky South 99, isang Philippine offshore gaming operator.

Agad naman pinabulaanan ni Barbers ang mga paratang ng maybahay ni Roque. Inimbitahan niyang panoorin ng huli ang mga Quadcom hearings bago siya magakusa.

“I was the one who acts as the “rudder” of the team, very calmly leading House leaders and panel members in toning down some unnecessary remarks or comments as the probe goest on,” paliwanag ni Barbers, tagapangulo ng Committee on Dangerous Drugs at ng Quadcom.

Sa kanyang FB comment sinabi ni Mrs. Roque na malisyoso ang pagkakahulugan ni Barbers sa paglipad nya sa Singapore upang magpagamot.

“I have traveled because I have the right to travel as guaranteed by the constitution,” diin ng dating reporter ng RPN-9.

“He abuses his immunity from lib el with a claim that I am an incorporator of LUcky South even when there is no single document linking me to it,” dagdag pa ni Mrs. Roque.

Minasama rin nito ang deklarasyon umano ng kongresista na ang kanyang pamilya ay “wasak”.

“Check your mirror,” bitaw nito.

Pinabulaanan ni Barbers na idinadawit niya si Mrs. Roque sa umanoy ilegal na POGO operator na Lucky South 99.

Ayon sa mambabatas ang sangkot sa Lucky South ay ang kanyang nagtatagong asawa.

“On her trip to Singapore to seek medical treatment, the medical documents she has submitted so far to the Quadcom were mere resutls from a certain Diagnostic Laboratory and did not clearly indicate details n the health issuers she is facing,” paliwanag ni Barbers.

Sinabi ng Mindanao solon na wala siyang sinasabing wasak na ang pamilya Roque.

Nag-ugat ang “wasak” isyu nang hingin ng media kay Barbers ang kanyang opinyon sa sinabi ni Atty. Roque na sinisira ng kongresista ang kanyang pamilya.

Ito ay sinagot ni Barbers ng: “Huwag kami ang sisihin niya, tanungin niya ang sarili niya.”

“If you and Mr. Roque really have nothing to hide, particularly his alleged links to illegal POGO, then you should both attend the Quadcom hearings, be transparent and open all your cards,” paghahamon ng mambabatas.