RIZAL PARK, Maynila — Sa pagpapahalaga sa pagtugon sa krisis sa enerhiya na nararanasan ngayon at pagpapatatag ng ekonomiya ng bansa, pinaigting ng Bureau of Customs (BoC) ang programa nitong magkaroon ng full, data-driven customs administration na makakabawas kung hindi man mapatigil ang smuggling at korapsyon sa ahensya.
Sa Kapihan ng Samahang Plaridel sa Rizal Park Hotel, prinisinta ni Customs commissioner Ariel Nepomuceno ang reform agenda ng Bureau na may layuning modernisasyon ng serbisyong pinagkakaloob ng ahensya sa pamamagitan ng digitalization.
Ayon kay Nepomuceno, ang modernization initiative ay nakabaon sa adhikaing “palakasan ang fiscal compliance, transparency at seamless government processes ng BoC” na magbibigay-daan daan para sa pagkakaroon ng competitive business environment na lilinis sa mga iregularidad at katiwalian.
Sa kasalukuyan, nagreresulta na ang mga reporma sa Bureau upang maging mas mabilis ang kalakalan, mas simple at mas transparent—mga bagay na kapakipakinabang sa mga negosyo, trader, importers at exporter at maging mga ordinaryong mamamayan.
Hinayag ng Customs chief na nasa sentro ng kanilang modernization agenda ang Integrated Customs Processing System (CPS), na AI-enabled platform na hahalili sa legacy E2M system at may end-to-end automated processing para sa mga importasyon, export, transit, risk assessment at digital payment.
“The CPS will create a fully paperless, transparent, and compliant trade environment. The project is now progressing without any monetary obligation from the government because it is being done through a Public-Private Partnership (PPP) framework between the BoC and a private proponent,” pinunto ni Nepomuceno sa Ingles.
Idinagdag niya na magtatatag sila ng isang centralized Customs Data Lake at interoperability platform na magko-consolidate ng trade data, magbibigay-daan ng real-time insight at magpapaigting ng koordinasyon sa ibang lga ahensya ng pamahalaan.
Bukod dito, nagiging simple at madali ang mga customs transaction,sa pamamagitan ng digital services gamit ang OneClient Portal.
“Traders and stakeholders can now receive real-time updates on their shipments, benefit from pre-arrival processing and easily access regulations and performance dashboards. These improvements help reduce waiting times and make interactions with customs more transparent and predictable, among others,” idiniin ni Nepomuceno.
“These initiatives are about more than technology upgrades. Through digital transformation, we are building a faster, smarter, and more accountable customs administration that makes doing business easier, protects government revenue, and serves every Filipino with integrity,” sabi pa nito.