NAIA, Lungsod ng Pasay — Inaresto sa Terminal 3 ng Ninoy Aquino International Airport (NAIA) ang isang septuagenaryang businesswoman dahil sa kanyang outstanding warrant sa kasong estafa na nagkakahalaga lang ng ₱20,000.

Kinilala ang lolang suspek na si Nemesia Aguilar y Alcantara, residente ng lungsod ng Makati, na agad sinailalim sa kustodiya ng pulisya mula sa Warrant Section ng Santa Mesa Police Station ng Manila Police District (MPD).

Ayon kay Police Executive Master Sargeant Neil Abrasia, dinakip si Aguilar sa bisa ng arrest warrant na inilabas ni San Jose Del Monte, Bulacan Regional Trial Court Branch 120 presiding Judge Lyn Llamasares-Gonzales sa ilalim ng Criminal Case No. 4063-M-2023.