ROCKWELL, Makati City — Sa katatapos lang na Giga Summit 2025: The Fusion of Power and Intelligence, binigyang diin ng Manila Electric Company (Meralco) ang kahalagahan ng stratehikong pagsasalubong ng smart technology at power sa paghubog ng kinabukasan ng lokal na sektor ng enerhiya.

Ayon kay Meralco executive vice president at chief-operating-officer at Meralco Power Academy (MPA) president Ronnie L. Aperocho (in photo), mayroong krusyal na bahagi ang artificial intelligence (AI) sa transpormasyon ng distribution network ng pangunahing energy provider ng bansa. “We are future proofing Meralco’s distribution network through layers of different initiatives driven by innovation, big data and analytics, and powered by artificial intelligence,” hinayag ni Aperocho.

Kabilang sa mga key innovation initiative ng Meralco ay ang Wireless Private Network, (WPN) na may layuning palawigin ang grid automation at seguridad; ang Meralco Data Platform (MDP), na gumagamit ng datos at AI sa pag-streamline ng mga operasyon; at ang Meralco Interactive Data Assistant or MIDAS, na AI-powered interactive assistant ng kompanya.

"These efforts aim to revolutionize sustainable operations, enhance resilience, and elevate customer experience through smart technologies and data-driven systems," pinunto ni Aperocho.

“Our theme, The Fusion of Power and Intelligence, captures the reality that infrastructure and technology must go hand-in-hand with vision, policy, and people,” dagdag ng opisyal.

Isinagawa sa The Fifth at Rockwell sa Makati City nitong nakaraang Abril 24 hanggang 25, ang 2-araw na Giga Summit 2025 ay isang biennial event na inorganisa ng MPA na itinuturing na isa sa pangunahing platform para sa pagpapalaganap ng kaalaman sa industria at gayun din sa mga policymaker at lokal at pandaigdigang eksperto na pinahahalagahan ang pinakabagong mga innovation at best practices na humuhubog sa energy landscape sa bansa.