Kung hei fat choi! Maligayang Taon sa lahat.

Kapag dumarating ang bagong taon ng mga orientals, inaabangan na rin ang mga prediksyon ng swerte ng isang tao sa pagpasok na taon. Itinuturing kasing mataas ang katumpakan kapag mga experto sa feng shui ang nagbibigay ng hula.

Pinagsama-sama ng Senior Times ang mga prediksyon ng mga dalubhasa feng shui. Sa kalendaryo ng mga orientals, ang 2024 ay taon ng Wood Dragon. Ipinauubaya sa mga mambabasa ang desisyon kung paniniwalaan o hindi. Swertehin ka nawa!

DRAGON (Dragon) : 1904, 1916, 1928, 1952, 1964, 1976, 1988, 2000, 2012, 2024

Kiikilalanin ang bagong taon na magsisimula sa araw na ito bilang Year of the Dragon.

Ayon sa mga feng shui readers na bagamat taon ito ng mga ipinanganak sa Dragon years, hindi magiging swabe at tahimik ang 2024 para sa kanila. Mga bigla-biglang pagbabago at mga gambala ang mararanasan sa araw-araw.

Hindi masyadong maganda ang magiging kapalaran sa trabaho sapagkat magiging limitado ang mga oportunidad. Ganoon din ang maaring mangyari sa pakikipag-relasyon. Upang labanan ang ganitong hinaharap sa taon, pinapayuhan ang mga Dragon na maging mapagkumbaba at matiisin. Iwasan ang pakikpagtunggali at patibayin ang pagkikipag-kaibigan.

Ang suwerte sa pera at hanapbuhay ay hindi rin madali. Ngunit gamitin ang pagkakataon upang matutong magtipid at maging praktikal.

Ang mg Dragon ay pinapayuhan ding huwag umayaw sa mga okasyon na masasaya. Isa ito sa kokontra sa mga negatibong aspeto ng kapalaran sa taon.

Ang kalusugan ay hindi masyadong problema bagamat kinakailangan pa rin ang pag-iingat sa disgrasya.

SNAKE (Ahas) 1905, 1917, 1929, 1941, 1953, 1965, 1977, 1989, 2001, 2013, 2025

Mapalad ang mga Ahas sa taong 2024. May mga pagbabago sa relasyon sa pamilya ngunit magiging pabor pa rin ang kapalaran.

Sa pakikipag-relasyon, magiging matibay at masaya ang buhay pag-ibig. Madali kang magugustuhan ng kabilang kasarian.

Upang higit na madagdagan ang magandang kapalaran, dapat maging masipag at matulungin ang mga ipinanganak sa taon ng Ahas. Huwag umasa sa swerte lamang, huwag rin maging batugan.

Pinapayuhan ang mga Snake na huwag aksayahin ang mga magandang oportunidad ngayong 2024. . Sunggaban ang mga ito at gawing karagdagan sa mabuting kapalaran.

HORSE (Kabayo) Taon ng kapanganakan: 1906, 1918, 1930, 1942, 1954, 1966, 1978, 1990, 2002, 2014

Maraming benepisyo tulad ng mga bagong oportunidad at suwerteng darating ang taon kung ikaw ay bibiyahe. Dumalaw sa mga simbahan, templo o museo at maaaring dito makasalubong ang magandang kapalaran.

Sa paglabas-labas, sasaya ang katuwang sa buhay. Sisigla ang inyong relasyon. Sa mga balo o wala pang kapartner, malaki ang posibilidad na ang tamang relasyon ay mataagpuan sa paglalagalag.

Sa kalusugan, pinapayuhan din magsimula na ng eherhisyo upang maiwasan ang sakit. Sa mga aktibo sa pisikal na pangangatawan, ipagpatuloy ang ginagawang pampasigla ng kalusugan.

GOAT (Kambing) 1907, 1919, 1931, 1943, 1955, 1967, 1979, 1991, 2003, 2015

Negatibo ang kinalalagyan ng mga ipinanganak sa taon ng Kambing. Ngunit hindi ito malubha at madali lamang kontrahin sa pamamagitan ng pagpapatibay ng relasyon at pagpapalakas ng pakikipagkaibigan sa mga kamag-anakan at kasama sa hanapbuhay.

Upang hindi maapektuhan ang pisikal at mental na kalagayan, dapat matuto ang Kambing na i-planong mabuti ang mga araw-araw na gawain. Kung hindi, magiging stressful at lalong magiging busy ang mga Kambing sa kanilang mga gawain.

Mapapansin ang iyong kasipagan sa trabaho at malaki ang posibilidad sa umento sa sweldo at promotion.

Mahahanap rin ng tama at mabuting partner sa buhay o kasintahan sa taong ito sa pamamagitan ng pagpapakilala ng kaibigan.

MONKEY (Unggoy) 1908, 1920, 1932, 1944, 1956, 1968, 1980, 1992, 2004, 2016

Hindi suwerte at hindi malas ang mga ipinanganak sa taon ng Unggoy Ipagpatuloy ang dating takbo ng buhay, huwag bigyan puwang ang kalungkutan at katamaran.

Maging masinop at malaki ang posibilidad na darating ang suwerte bago matapos ang taon. Madaling dumating ang malaking kita ngunit madali rin itong malulusaw. Kasama ng pagkawala ng pera ang hinihintay na magandang oportunidad bago matapos ang Year of the Monkey.

Taon din ito upang makahanap ng pagmamahal. Hindi ito taon upang makipag-hiwalay. Ipagpaliban ang pakikipag-hiwalay o bigyan pa ng isang pagkakataon ang pagmamahalan.

ROOSTER (Tandang) - 1909, 1921, 1933, 1945, 1957, 1969, 1981, 1993, 2005, 2017

Pinakalutang sa taon ng Tandang ang masaya at malusog na pakikipagrelasyon.

Taon 2024 ay magiging mabuting pagkakataon sa pagdagdag ng mga kaibigan o kaya’y paghahanap ng ka-partner na magpapasaya ng buhay sa mga taong wala pang kasintahan o asawa.

Magiging matatag at maganda ang taon para sa mga Rooster.

Tiisin ang kasalukuyang trabaho sa unang anim na buwan at huwag munang alisan ito. Higit na kaaya-ayang magpalit ng hanapbuhay o trabaho pagkalagpas ng unang anim na buwan ng 2024.


Ngunit sa buong taon, kunin ang anumang pagkakataon na makahanap ng dagdag na kita. Madali itong matatagpuan.

DOG (Aso) 1910, 1922, 1934, 1946, 1958, 1970, 1982, 1994, 2006, 2018

Huwag maging padalos-dalos sa anumang desisyon, higit kung ito ay mahalaga sa relasyon, hanapbuhay at pananalapi.

Nasa tamang desisyon sa mga hinaharap na problema ang makapagpapabago ng hindi masyadong magandang suwerte sa taon.

Maraming beses na mahaharap sa pag-aaway o argumento ang mga Aso, ngunit makabubuting huwag muna kumahol at panatilihin ang dignidad. Huwag maging mapag-patol.

Upang makaiwas sa ganitong sitwasyon at mapabago ang negatibo sa buhay, subukang magliwaliw kasama ang pamilya, bumiyahe sa ibang bansa o mag-relax kahit lamang sa loob ng tahanan.

Pinapayuhan din na sumubok na sumama sa mga aktibidad sa simbahan o templo.

PIG (Baboy) 1911, 1923, 1935, 1947, 1959, 1971, 1983, 1995, 2007, 2019

Magpapansin ng kasipagan at pagtitiyaga sa lugar ng trabaho. Huwag umayaw sa overtime at subukang magpakadalubhasa tungkol sa propesyon. Dito masisimulan ang gumanda ang takbo ng propesyon o trabaho. Ang ipinakikitang husay at kasipagan ay magagantimpalaan.

Subalit bagamat daragsa ang dagdag na pera dahil sa kasipagan, kailangan tanggalin ang nakaugaliang paglustay ng kayamanan. Mahihirapan ang Baboy makaahon muli, kapag nakatikim ng paghihirap sa taong ito.

Maayos ang pakikipag-relasyon sa 2024. Sa mga nag-iisa, subukang lumabas ng lungga at kumawala sa mga dating circle of friends. Makakakita ka ng tamang partner sa labas, sa pamamasyal at sa iba pang mga lugar. Pagbalik sa mga kaibigan, ipagmalaki ang natagpuang pag-ibig.

Dalasan din ang pag-monitor ng kalusugan.

RAT (Daga) 1900, 1912, 1924, 1936, 1948, 1960, 1972, 1984, 1996, 2008, 2020

Mas marami pang buwang maalat para sa Daga noong 2023 kung ikukumpara sa 2024. Ito ay dahil sa mga buwan na may hindi magandang nararanasan, Ang mga Daga ay makaasa ng tulong, ayuda at alalay sa marami, higit sa mga dati na nitong natulungan.

Makinig sa mga payo ng nagmamagandang loob at huwag na kumontra,. Subukan lumapit sa mga ipinanganak sa taon ng Ahas, Baboy o Tigre kung nais ng masuwerteng payo.

Isang magandang panahon din ngayon taon upang magtayo ng negosyo. Gamitin ang naipundar na pera o mangutang upang makapagbukas ng negosyo ngunit huwag solohin ang desisyon. Makinig sa payo ng mga nagmamalasakit.

Hindi rin tama na maging adelantado o padalos-dalos sa pagdesisyon sa larangan ng pag-ibig at propesyon.

OX (Baka) 1901, 1913, 1925, 1937, 1949, 1961, 1973, 1985, 1997, 2009, 2021

Kalusugan at kaligtasan ang prayoridad na dapat pagtuunan ng pansin sa taon. Dalasan ang pag-exhersisyo, umiwas sa pagpupuyat at pag-inom ng nakalalasing na inumin at dalasan ang pagpapatingin sa doktor.

Laging piliing sumakay sa mga ligtas na transportasyon. Huwag sumali sa mga aktibidad o larong malapit sa disgrasya. Laging maging alerto sa kalye.

Ngunit hindi lamang kalusugan at kaligtasan ang dapat pag-ingatan. Magdahan-dahan sa pagdesisyon ng pamumuhunan sa negosyo. Hindi magiging suwerte ang pagsisimula ng negosyo sa taong ito. Maaari lamang makontra ito, kung makikipagsosyo sa mga taong ipinanganak sa taon ng Dragon at Tandang.

Hindi rin maayos ang magiging takbo ng pakikipag-relasyon kung kapos sa oras. Bigyan ng higit na halaga ang asawa o kasintahan. Sa bandang huli na ng taon magsimula maghanap ng bago.

TIGER (TIGRE) 1902, 1914, 1926, 1938, 1950, 1962, 1974, 1986, 1998, 2010, 2022

Iwasan ang mga Dragon, higit sa lahat ang mga mahilig sa intriga. Maaari mo silang maka-away o maging sanhi ng pakikipag-away mo sa iba.

Mahalaga ngayon 2024 na palakasin ang pakikitungo sa pamilya at sa kaibigan.

Sa trabaho, subukan mag-low profile upang hindi makainggitan at maintriga. Subalit mag-concentrate sa pag-asenso at siguradong magkakabunga ito sa lugar ng trabaho.

Ang relasyon ay yayabong sa ikalawang semestre ng taon. Maging matiisin at mapag-matyag. Huwag masyadong maging seloso o suspetsoso lalo na kung ang kasintahan o asawa ay ipinanganak sa taon ng Kuneho, Aso at kapwa Tigre.

RABBIT (Kuneho) 1903, 1915, 1927, 1939, 1951, 1963, 1975, 1987, 1999, 2011, 2023

Taong 2024 ang taon ng mga Kuneho. Matapos ang taong mapaghamon, ngayon naman kayo hahamunin ng suwerte.

Dahan-dahan ang pagdating ng suwerte ngunit ito ang siguradong mararamdaman sa simula sa darating Agosto kung ito ay tungkol sa negosyo.

Mabuti rin ang panahon upang mag-aral at makakuha ng bagong mga kaalaman, kasanayan at pagbabago ng hanapbuhay. Ang mga bagong natutunan ang magpapabago ng buhay tungo sa pag-asenso.

Huwag maging sugarol, mas malamang na masimot ang iyong pinaghirapan. Sa halip, subukan maging seryoso sa negosyo, higit na malaki ang tsansa ritong manalo.

Sa mga may kasintahan, ito na ang taon upang magpakasal o magkaroon ng supling.