top of page
Screenshot_2024-09-08_193102-removebg-preview.png
Screenshot_2024-09-08_220233-removebg-preview.png
Screenshot_2024-09-08_220244-removebg-preview.png
  • Facebook
  • X
  • Instagram

LAW AND ORDER

Senior citizen arestado sa pagpatay ng mag-ina sa Carcar City

12/12/24, 2:53 AM

CEBU CITY - Isang 64-anyos na lalaki ang inaresto ng pulisya matapos na pagbabarilin niya umano ang isang ina at ang kanyang 14-anyos na anak noong Miyerkules (Disyembre 11) sa Carcar City.

Kinilala ang umanong salarin bilang si Jethro Lapiña, ng Barangay Valladolid sa Carcar City.

Ang mga biktima na sina Jennive Abella, 38, live-in partner ni Lapiña at ang anak niyang babae ay pawang nagtamo ng mga tama ng bala at dineklarang dead on arrival sa ospital

Ayon sa inisyal na imbestigasyon, lasing umano si Lapiña nang dumating sa kanilang bahay ni Jennive. Dito nagkaroon sila ng pagtatalo.

Sa kainitan ng sigawan ng dalawa, bigla na lamang bumunot ng baril si Lapiña at pinutukan sa ulo ang ka-live in.

Matapos ito ay itinuon ng suspek ang baril sa dalagita at binaril sa dibdib.

Agad rumesponde ang pulisya at pinag-hanap si Lapiña na nakatakas matapos ang pamamaril.

Nahuli ang salarin ilang oras matapos na makatakas ito.

Photo from cebudailynews.inquirer.net

Comments

Share Your ThoughtsBe the first to write a comment.
bottom of page