Nagpalabas ng babala ang Department of Social Welfare and Development laban sa dumaraming online procedure na nag-aalok ng child adoption process.

Ilegal at pawang panloloko lamang ang ganitong gawain sa internet, ayon sa isang video statement ng DSWD.

“Let us be clear: Adoption is never a private agreement between individuals,” paalala ng DSWD sa publiko.

“Kapag may nag-alok ng bata online, kahit pa sabihing tulong o pagmamalasakit, illega adoption pa rin ‘yan; at sa ilalim ng batas, kriment tio ant may parusang kulong,” ayon sa ahensyang pinamumunuan ni Secretary Rex Gatchalian.

Ayon pa sa DSWD hindi legal at hindi katangap-tanggap ang mga transaksyon o kontrata nauukol sa pag-ampon kung ito ay gawa-gawa lamang sa Facebook at iba pang social media.

Mahalagang idaan sa legal ng proseso ang pag-aampon ng isang musmos upang mapangalagaan ang kapakanan ng inaampon.

“Dahil ang adoption ay hindi tungkol sa kung ano ang gusto ng mag-aampon. Ito ay para sa proteksyon ng batang nangangailangan ng pamilyang magmamahal at kabibilangan niya,” paliwanag ng DSWD.

“When adoption happens outside the legal process, children are exposed toserious risks - loss of identity, abuse, neglect, trafficking and additional trauma,” ayon sa ahensya.