Sa ulat ng Focus Taiwan, Tumama ang unang lindol na may lakas na 6.1 magnitude sa may silangang bahagi ng Hualien. Kalahating oras matapos nito ay niyanig naman ang nasabing lugar ng 5.8 magnitude na lindol.

Ang pinakamatataas ng intensity o aktwal na epekto ng pagyanig ay naitala sa Hualien, Yilan, Nantou, Hsinchu at Taichung.

Sa kabila nito, ramdam daw sa halos buong Taiwan ang nasabing lindol.

Higit 1,000 aftershock na ang naranasan sa bansa ngayong buwan mula nang tumama ang magnitude 7.2 na lindol sa Hualien kung saan 17 katao ang napaulat na nasawi.