"'Fake news' yung kumakalat na balitang wala na ang dating First Lady. Thank you!" sabi ng Presidential Communications Office (PCO).

Ayon naman sa ulat ng ABS-CBN, nagpapagaling pa rin ang 94-anyos na si Imelda sa ubo pero wala na raw itong lagnat.

Dinala sa ospital ang Marcos matriarch noong Martes dahil sa ubo at lagnat.

Pinag-iingat pa rin daw ito ng mga doktor lalo't noon lamang nakaraang taon ay sumailalim ito sa operasyon sa puso.

Pagkadating na pagkadating sa bansa nina Pangulong Bongbong Marcos Jr. at First Lady Liza Araneta-Marcos mula sa Australia kagabi ay dumiretso raw ang mga ito sa ospital para bisitahin ang dating Unang Ginang.

Nakabalik sa Pilipinas ang First Couple mula sa Australia dakong alas-11:34 kagabi matapos ang ASEAN-Australia Special Summit.