Isang asong halos lumuwa ang mata ang na-rescue kamakailan ng mga nagmagandang-loob.

Sa isang post ng Philippine Animal Welfare Society, ibinahagi nitong kasalukuyan ng ipinapagamot ang asong si Liesl, na tinawag ding Raprap, na nag-viral sa social media dahil sa iniinda nitong karamdaman.

Nakuhanan ito ng litrato ng netizen na si Gina Prudencio habang nahihirapang maglakad at may malubhang sugat sa mata.

"She was rescued from 17th Avenue in Cubao and given immediate medical attention at PAWS. She urgently needs to undergo X-rays for various parts of her head and body," sabi ng PAWS sa post nito.

Umaapela ng donasyon ang grupo para sa mga medikal na pangangailangan ni Liesl.

"We are humbly asking for your help with Liesl’s medical evaluations and needs," sabi nito.

"Please see our list of accounts in this post or our pinned post for ways to donate to PAWS. Thank you very much for helping us save more animals," dagdag pa ng PAWS.