Sa isang pulong-balitaan noong Miyerkules, Enero 31, sinabi ni Health Secretary Teodoro Herbosa na maglalaan ang kagawaran ng karagdagang pondo para maipatayo ang mga nasabing pasilidad at mailapit pang lalo ang serbisyo sa lahat.

"Ang motto ko ngayon: Sana walang mahirap na Pilipino na mamamatay na ang dahilan ay wala siyang pambili ng gamot," ani Herbosa.

Dagdag pa niya, may mga mabubuting-loob na nagpahayag ng interes na tumulong sa pagtatayo ng karagdagang pasilidad.

Nais din daw niyang ipatayo ang health facilities na ito malapit sa mga pampublikong colleges and universities na nag-aalok ng kursong medisina.

Umaasa rin daw siyang magbubukas ngayong taon ang limang fully operational primary health facilities.

Sa ngayon, balak niyang magpaikot ng mga sasakyan na magsisilbing primary care facilities habang hinihintay pa ang pagpapatayo ng mga gusali.

Layunin daw ng primary care facilities na ito ang prevention at early detection ng mga sakit tul